سڑک کنارے بے یارومددگارپڑی بیمار بوڑھی خاتون کوپولس نے اسپتال پہنچایا
 |
سڑک کنارے بے یارومددگارپڑی بیمار بوڑھی خاتون کوپولس نے اسپتال پہنچایا |
نیوزٹوڈے اردو:پولس کی انسانی شکل دیکھی گئی۔ پولس چار پانچ دنوں سے سڑک کنارے بیمار رہنے والی معمر خاتون کو اسپتال لے گئی۔ وہ اپنا پتہ بتانے سے قاصر تھی۔ گاؤں کے لوگ اسے کھانا دے رہے تھے۔ ہریش چندر پور تھانہ کے سنجے کمار داس کو جب اس بات کا علم ہوا تو وہ فوراً موقع پر پہنچے اور معمر خاتون کو اسپتال لے گئے۔ اس نے وہاں بڑھیا کی خدمت اور علاج کا انتظام کیا۔ بوڑھی خاتون کا گھر کہاں ہے، پولس اس کا پتہ لگانے کی کوشش کر رہی ہے۔یہ واقعہ ہریش چندر پورتھانہ کے ہریش چندر پور اسکول کے قریب پیش آیا۔ بوڑھی خاتون تقریباً چار پانچ دن تک وہیں پڑی رہی لیکن اس کے گھر والے اس سے ملنے نہیں آئے۔ وہ اپنا نام اور پتہ بھی بتانے سے قاصر ہے۔ گاو¿ں کے لوگ دونوں وقت ان کے کھانے کا انتظام کیا کرتے تھے۔ لوگوں کا کہنا ہے کہ یہ جاننے کے باوجود کوئی پنچایت ممبر یا پردھان وہاں نہیں گیا۔ آخر کار پولس نے اسے ہریش چندر پور رورل ہسپتال میں داخل کرایا۔ہریش چندر پور پولس اسٹیشن کے بیس آئی سی سنجے کمار داس نے بتایا کہ انہیں معلوم ہوا کہ ایک بوڑھی عورت سڑک کے کنارے بے یارو مددگار پڑی ہے۔ وہ بول بھی نہیں سکتی۔ اسے فوری طور پراسپتال لے جایا گیا جہاں اس کی دیکھ بھال کی جا رہی ہے۔ اسپتال کے ڈاکٹر چھوٹا منڈل نے بتایا کہ ہریش چندر پور تھانہ کے آئی سی سنجے کمار داس نے انہیں یہاں داخل کرایا ہے۔ اگر وہ ذہنی طور پر بیمار پائی گئی تو اسے کہیں اور بھیجنا پڑے گا کیونکہ یہاں ذہنی مریضوں کا علاج ممکن نہیں ہوگا۔ پولس کے اس کام سے لوگ خوش تھے۔
کوئی تبصرے نہیں:
ایک تبصرہ شائع کریں